Mae'r gadair 1282 yn ymgorffori dyluniad cyfoes a ysbrydolwyd gan gadeiriau ffyn Cymreig, gan bwysleisio gwerth dylanwadau hanesyddol a diwylliannol mewn strategaeth ddylunio. Wedi'i sbarduno gan faniffesto "Beyond the New" gan Hella Jongerious a Louise Schewenberg, mae'r prosiect yn tynnu ar dreftadaeth Cymru trwy ymchwil dwys i’r cadeiriau ffyn traddodiadol.

Mae sylfaen y gadair yn deillio o freichiau crwm naturiol cadeiriau ffyn, gan siapio ei ddyluniad a'i ddimensiynau. Mae'r dull dylunio hwn yn mynd i'r afael â heriau ergonomig modern, gan ddefnyddio uchder braich unigryw cadeiriau ffyn traddodiadol. Dewiswyd dur gwrth-staen am ei wydnwch a'i edrychiad, er mwyn creu cyferbyniad bwriadol gyda’r cadeiriau pren gwreiddiol.

Mae'r prosiect yn myfyrio ar yr hyn y gellir ei ddysgu o'r gorffennol, hynny ydi, sut y gall edrych yn ol ar draddodiadau, deunyddiau a phrosesau coll fod yn sail i ddylunio cyfoes.